ვიზიტის მეორე დღე მათ კონგრესმენებთან შეხვედრებს დაუთმეს. თინა ხიდაშელის განცხადებით, საუბრის დიდი ნაწილი 2014 წლის ნატო-ს სამიტთან დაკავშირებულ საკითხებს დაეთმო. ქართულმა დელეგაციამ ამერიკელი კოლეგებისგან სამიტზე მხარდაჭერის პირობა მიიღო.
დელეგაციის წევრები კონგრესმენ მაიკლ ტერნერსაც შეხვდნენ, რომელიც ნატო-ს საპარლამენტო ასამბლეაში ამერიკის დელეგაციას ხელმძღვანელობს. ტერნერმა კრიტიკული მოსაზრებები ყოფილი მაღალჩინოსნების დაკავების ფაქტზე არაერთხელ გამოთქვა. ქართული დელეგაცია ამ ფაქტს ამერიკელ კოლეგებთან არასათანადო კომუნიკაციის არსებობით ხსნის.
დელეგაციის წევრები ასევე შეხვდნენ სენატორ ჯონ მაკკეინს. შეხვედრა მედიისთვის დახურული იყო.