თავდაცვის მინისტრი ირაკლი ალასანია საოკუპაციო ზოლთან ქართველების დაკავებაში მოსკოვის კვალს ხედავს. როგორც ალასანიამ ჟურნალისტებთან განაცხადა აუცილებელია ამ მიმართულებით ჟენევის ფორმატის წარმართვა.
,,მე დარწმუნებული ვარ, რომ ჩვენს მოქალაქეებს გამოვიხსნით, მაგრამ შეფასება ერთადერთი შეიძლება იყოს, რომ ეს არ არის ადგილობრივი თვითშემოქმედება ეს, ალბათ, დაშვებული იქნა მოსკოვიდან, სამხედრო ხელმძღვანელობის მხრიდან. ამიტომ ამას სჭირდება ძალიან სერიოზული მოლაპარაკება, თავად ჟენევის ფორმატის ამოქმედება ამ კუთხითაც", P_განაცხადა ალასანიამ.
შეგახსენებთ, რომ რუსმა სამხედროებმა საოკუპაციო ზოლიდან სოფელ ხვითისა და ახალუბნის მცხოვრებლები გუშინ დააკავეს. გავრცელებული ინფორმაციით, ისინი ცხინვალის მილიციაში გადაიყვანეს.
