განათლებისა და მეცნიერების უკვე ყოფილმა მინისტრმა გიორგი მარგველაშვილმა თამარ სანიკიძე განათლების მინისტრის პოსტზე ოფიციალურად წარადგინა და იმ მიღწევებზე გაამახვილა ყურადღება, რომელიც ბოლო პერიოდში უწყებაში განხორციელდა.
,,მინდა წარვადგინო განათლებისა და მეცნიერების ახალი მინისტრი თამარ სანიკიძე და საზოგადოებას თამართან ერთად ჩავაბარო იმ სამუშაოს შესახებ, რომელიც მე და თამარმა ბოლო პერიოდში ერთად განვახორციელეთ სამინისტროში. პირველი რაც ჩვენ მოვახერხეთ მოვახდინეთ განათლების სამინისტროს დეპოლიტიზაცია, ეს იყო უმნიშვნელოვანესი იმ გარდამავალ პერიოდში, პროცესში რომელიც ჩვენ ვიმყოფებოდით, _განაცხადა მარგველაშვილმა და აღნიშნა, რომ ბოლო პერიოდის განმავლობაში მოხერხდა ის, რომ ყველა მოსწავლეს სახელმძღვანელოები უფასოდ გადაეცემათ.
მარგველაშვილი განმარტებით, მისი მინისტრობის დროს გაიზარდა პედაგოგთა ხელფასი, დაახლოებით 25-დან-60%-მდე, ასევე გაიზარდა სკოლის ადმინისტრაციის ხელფასები. როგორც მარგველაშვილმა ჟურნალისტებთან განმარტა მისი მინისტრობის პერიოდში ასევე დაფუძნდა სკოლის ავტობუსების პროგრამა და ამ მომსახურებით 16 000-მდე მოსწავლე სარგებლობს.