პარლამენეტის თავმჯდომარე ეროვნულ-დემოკრატიული ინსტიტუტის (NDI-ის) კვლევის შედეგებს შემაშფოთებელს უწოდებს. ამის შესახებ ჟურნალისტებთან დავით უსუფაშვილმა NDI-ის გუშინ გამოქვეყნებული კვლევის შედეგების კომენტირებისას განაცხადა.
,,NDI-ის ის ბოლო კვლევის შედგების გაცნობის შემდეგ უკიდურესად შეშფოთებული ვარ, ვინაიდან, შარშან ამ დროს ანალოგიური კვლევები, რასაც უწინასწარმეტყველებდა "ქართულ ოცნებას", არჩევნებზე დაახლოებით სამჯერ მეტი მივიღეთ. თუ ახლა ამ შედეგებს ვიღებთ და არჩევნებზე მივიღებთ ორჯერ მეტს მაინც, ეს იქნება დემოკრატიის დასასრული ქვეყანაში, ვინაიდან ალბათ 100%-ს გადავაჭარბებთ", - განაცხადა უსუფაშვილმა.
შეგახსენებთ, რომ NDI-იმ პოლიტიკური პარტიების კვლევის რეიტინგები გუშინ გამოქვეყნა. NDI -ის კითხვაზე - „ვის ისურვებდით საქართველოს პრეზიდენტად?" გამოკითხულთა 29 % მხარს გიორგი მარეგველაშვილს უჭერს. 10 % - „ნაციონალური მოძრაობის" კანდიდატს, ნინო ბურჯანაძეს-5%, გამოკითხულთა 26 % -მა არ იცის რომელ საპრეზიდენტრო კანდიდატს დაუჭერს მხარს, ხოლო გამოკითხულთა 7 % - არც ერთ საპრეზიდენტო კანდიდატს არ დაუჭერს მხარს. NDI-ის კვლევის საველე სამუშაოები ჩატარდა 12-26 ივნისის პერიოდში, საქართველოს მასშტაბით 2,338 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და კვლევას ატარებს კავკასიის კვლევითი რესურსების ცენტრი (CRRC).