დეპუტატები სასტუმრო ,,ჰოლიდეი ინნ-ში" კანონშემოქმედებითი საქმიანობის გამჭვირვალეობაზე მსჯელობენ. კონფერენციის მიზანი საკანონმდებლო საქმიანობაში საზოგადოების მეტი მონაწილეობაა. როგორც პარლამენტის თავმჯდომარემ კონფერენციაზე სიტყვით გამოსვლისას განაცხადა თუ საკანონმდებლო საქმიანობაში პარლამენტი და მთავრობა ერთმანეთთან არ ოპონირებს, აზრი ეკარგება ხელისუფლების დაყოფისა და დანაწილების პრინციპს.
უსუფაშვილის განაცხადებით, ასევე არსებობს არასამთავრობო სექტორი, რომელიც მთავრობასა და პარლამენტთან ოპონირების რეჟიმში იმყოფება, რაც აუცილებლად ასე უნდა იყოს.
"ამ ოპონირებასა და დებატებში იბადება სწორი აზრი. ამასთან, ჩვენ არ გვინდა ოპონირება ოპონირებისათვის და დებატები - დებატებისთვის. გვინდა ამ პროცესის შედეგი დემოკრატიულ სტანდარტებთან მეტად მიახლოებული კანონმდებლობა იყოს, ჩვენ ყველამ დავინახოთ, კანონის მიღებას მაშინ აქვს აზრი, თუ ამ კანონის აზრი გათავისებული აქვს საზოგადოებას, თავს მოხვეული და ნაჩქარევად მიღებული საკანონმდებლო აქტები განწირულია იმისთვის, რომ ისინი ვერ იმუშავებს", - განაცხადა დავით უსუფაშვილმა.