სამტრედიის საკრებულო კიდევ ერთმა „ნაციონალმა" დეპუტატმა თემურ ვაშაკიძემ დატოვა. როგორც „ჯი-ეიჩ-ენს" საკრებულოს თავმჯდომარემ ემზარ შუბლაძემ განუცხადა, ვაშაკიძემ საკრებულო ზეწოლის გამო დატოვა, ხოლო წერილობით რეალურ მიზეზად ოჯახური მდგომარეობა დაასახელა.
„"ნაციონალური მოძრაობის" მანდატით შესულ საკრებულოს წევრებზე ზეწოლა კვლავ გრძელდება. საკრებულო ახლახანს კიდევ ერთმა დეპუტატმა, სამტრედიის რაიონის სოფელ ჯიხაიშის მაჟორიტარმა დატოვა,"- განაცხადა ემზარ შუბლაძემ.
შეგახსენებთ, რომ სამტრედიის საკრებულოს ფრაქცია „ნაციონალებს" რამდენიმე კვირის წინ კიდევ ერთი დეპუტატი გამოეთიშა.
მასალის გამოყენების პირობები