ეროვნულ დემოკრატიული ინსტიტუტის (NDI) მიერ გამოქვეყნებული კვლევების მიხედვით, საქართველოს მთავრობის წევრების რეიტინგში იუსტიცის მინისტრი თეა წულუკიანი და თავდაცვის მინისტრი ირაკლი ალასანია ლიდერობენ.
თეა წულუკიანის საქმიანობას „ძალიან კარგად" აფასებს გამოკითხულთა 12%, ხოლო ირაკლი ალასანიას საქმიანობას გამოკითხულთა 9%. ამ მაჩვენებლით მესამე ადგილზეა შინაგან საქმეთა მინისტრი ირაკლი ღარიბაშვილი, რომლის საქმიანობას „ძალიან კარგად" 7% აფასებს.
რაც შეხება „ქართული ოცნების" პრეზიდენტობის კანდიდატს - განათლების მინისტრს გიორგი მარგველაშვილს მის საქმიანობას „ძალიან კარგად" აფასებს გამოკითხულთა 6%.
ყველაზე დაბალი, 2%-იანი რეიტინგები საქმიანობის „ძალიან კარგად" შფასებაში დავით ნარმანიას, ალექსი პეტრიაშვილს და დავით დარახველიძეს აქვთ.
NDI-ის კვლევის საველე სამუშაოები ჩატარდა 12-26 ივნისის პერიოდში, საქართველოს მასშტაბით 2,338 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს კავკასიის კვლევითი რესურსების ცენტრი (CRRC).