იტალიაში ჩატარებული სპეცოპერაციის დროს 11 ადამიანი დააკავეს, რომელთაგან 10 საქართველოს მოქალაქეა.
ადგილობრივი მედიის ცნობით, მილანსა და მის შემოგარენში ჩატარებული სპეცოპერაციისას, კოდური სახელწოდებით "ოდესა", კარაბინერებმა საცხოვრებელი სახლების ძარცვაში ეჭვმიტანილი საქართველოს 10 და უკრაინის ერთი მოქალაქე დააკავეს.
მათი საცხოვრებელი სახლებიდან პოლიციამ დიდი ოდენობით ნაძარცვი ნივთები, ყალბი საბუთები და სპეციალური მოწყობილობები ამოიღო, რომლებსაც ეჭვმიტანილები, სავარაუდოდ, სახლების ძარცვისთვის იყენებდნენ.
იტალიური მედიის ცნობით, რამდენიმე დღის წინ აღნიშნული ოპერაციის ფარგლებში პოლიციამ 28 ადამიანი დააკავა, რომელთა შორის, ქართველებთან ერთად, მაროკოელებიც იყვნენ.
