დღეს გახდება ცნობილი რა ტიპის ადმინისტრაციული სასჯელი დაეკისრებათ ,,დინამო არენასთან" დაკავებულ ახალგაზრდებს
,,დინამო არენასთან" დაკავებული სამი ახალგაზრდისთვის ადმინისტრაციული პასუხისმგებლობის შეფარდების შესახებ გადაწყვეტილებას მოსმართლე დღეს გამოაცხადებს. ამის შესახებ გადაწყვეტილება თბილისის საქალაქო სასამართლოს მოსამართლემ გუშინ გამართული სასამართლო პროცესის შემდეგ მიიღო.
,,თავისუფალი ზონის" დაკავებული სამი წევრი თავს დამნაშავედ არ მიჩნევს და აცხადებენ, რომ მათი დაკავება უკანონოდ მოხდა.
შეგახსენებთ, რომ ,,დინამო არენასთან" ,,თავისუფალი ზონის" სამი წევრი სამართალდამცავებმა 7 ივლისს დააკავეს და მათ ბრალად წვრილმანი ხულიგნობა და პოლიციელებისთვის წინააღმდეგობის გაწევა ედებათ.
