,,ნაციონალური მოძრაობა" არჩილ კბილაშვილის თანამდებობიდან გადაყენებას მოითხოვს. ამის შესახებ ჟურნალისტებთან ,,ნაციონალური მოძრაობის" დეპუტატმა ირმა ნადირაშვილმა განაცხადა.
,,მოვითხოვთ ჩატარდეს გამოძიება იმის დასადგენად ჰქონდა თუ არა ადგილი დანაშაულის დაფარვის ფაქტს. ვლადიმერ ბედუკაძესთან საპროცესო შეთანხმება როცა გაუქმდა ამ დროს საქართველოს გენერალური პროკურორი თეა წულუკიანი იყო. შესაბამისად ჩვენ მოვითოვთ თეა წულუკიანმა აიღოს პოლიტიკური პასუხისმგებლობა და გადადგას შესაბამისი სამართლებრივი საკითხები", _განაცხადა ნადირაშვილმა.
მისივე განმარტებით, კბილაშვილის დღევანდელმა პრესკონფერენციამ საზოგადოებას პასუხების ნაცვლად ბევრი კითხვის დასმის შესაძლებლობა მისცა.
,,კბილაშვილის დღევანდელმა პრესკონფერენციამ საზოგადოებას პასუხების ნაცვლად მისცა ბევრი კითხვის დასმის საშუალება, ჩვენ ვეცდებით ეს კითხვები ჩამოვაყალიბოთ: პირველი კბილაშვილმა დაადასტურა ის ეჭვი, რომელიც საზოგადოებაში დიდი ხნის განმავლობაში არსებობდა, რომ ციხეში ადამიანების წამებისა და არაადამიანური მოპყრობის კადრები ბედუკაძემ ჩვენთვის უცნობ პირებს გადასცა არჩევნებამდე ერთი წლით ადრე. ჩვენ გვაინტერესებს ვინ არიან ის ადამიანები ვინც ერთი წლის განმავლობაში ფარავდა ამ დანაშაულს, ელოდებოდა შესაბამის მომენტს, რომ ეს კადრები პოლიტიკური მიზნებისთვის გამოეყენებინა", _განაცხადა ირმა ნადირაშვილმა.
,,ნაციონალური მოძრაობა" მთავარი პროკურორისგან იმ პირების დასახელებას მოითხოვს ვინც ამ კადრებს მალავდა და შესაბამისად ფარავდა დანაშაულსაც.
ნადირაშვილის განმარტებით მთავარ პროკურორისგან მოითხოვენ პასუხის გაცემას თუ რატომ დაისაჯნენ ასე მსუბუქად ბედუკაძის თანამონაწილეები.
