შვეიცარიელ მონიტორებთან დაკავშირებით საკითხი დასრულებისკენ მიდის. როგორც ჟურნალისტებთან საგარეო საქმეთა მინისტრის მოადგილემ დავით ჯალაღანიამ განაცხადა საუბარია შვეიცარიული კომპანიის "ეს-ჯი-ეს"-ის იმ ვალდებულებების ამოქმედებაზე, რომელიც 2011 წელს იქნა მიღწეული საქართველო-რუსეთს შორის რუსეთის მსოფლიო სავაჭრო ორგანიზაციაში გაწევრიანების პროცესში, რაც გულისხმობს საბაჟო ადმინისტრირებას და ტვირთების გადაადგილების მონიტორინგს აღნიშნული შვეიცარიული კომპანიის მიერ.
,,საკითხი ძალზედ მნიშვნელოვანია და არაორდინალურია. შესაბამისად,
ქართული სამუშაო ჯგუფი, რომელიც პოზიციების შემუშავებაზე მუშაობს, შეიძლება ითქვას, რომ ერთგვარად დამამთავრებელ ფაზაშია. ჩვენი ინფორმაციით, ანალოგიური სიტუაციაა რუსეთის მხრიდანაც, ამ სპეციფიკის გათვალისწინებით ინდივიდუალურ რეჟიმში ვმუშაობთ შვეიცარიულ მხარესთან, ცალკე შვეიცარიელები ესაუბრებიან და მუშაობენ რუს კოლეგებთან. ამდენად, ეს არის მუშა პროცესი, თუმცა ალბათ მივდივართ დასრულებისკენ", - განაცხადა დავით ჯალაღანიამ.
