საქართველოს 11-12 ივლისს ევროკავშირის წარმომადგენელი გაფართოებისა და სამეზობლო პოლიტიკის საკითხებში ევროკომისარი შტეფან ფულე ეწვევა. როგორც ჟურნალისტებთან საგარეო საქმეთა მინისტრის მოადგილემ დავით ჯალაღანიამ განაცხადა ვიზიტის ფარგლებში შტეფან ფულე ბათუმში დაგეგმილ საერთაშორისო კონფერენციაში მიიღებს მონაწილეობას.
,,ვიზიტის ფარგლებში შტეფან ფულე შეხვედრებს გამართავს ხელისუფლების უმაღლესი რანგის წარმომადგენლებთან. იგი მონაწილეობას მიიღებს ბათუმში დაგეგმილ მე-10 საერთაშორისო კონფერენციაზე სახელწოდებით ,,საქართველოს ევროპული გზა და ევროკავშირის აღმოსავლეთის ევროპული პარტნიორები ვილნიუსის აღმოსავლეთის სამიტისკენ" _განაცხადა ჯალაღანიამ და აღნიშნა, რომ კონფერენციაში მონაწილეობას მიიღებს საგარეო საქმეთა სამინისტროს დელეგაცია.
დავით ჯალაღანიას განმარტებით, კონფერენციის ფარგლებში საგარეო საქმეთა მინისტრი მაია ფანჯიკიძე ორმხრივ შეხვედრებს გამართავს კონფერენციის სტუმრებთან სლოვაკეთიდან, ბულგარეთიდან და ესტონეთიდან.
