საპრეზიდენტო არჩევნებისთვის ამომრჩეველთა რაოდენობა 3 537 249 -ს შეადგენს. ოლქების მიხედვით ამომრჩეველთა რიცხვი ცენტრალურმა საარჩევნო კომისიამ გამოაქვეყნა.
მათივე ინფორმაცით, ქვეყნაში სულ 84 საარჩევნო ოლქია, მათ შორის 10 თბილისში. ყველაზე მეტი ამომრჩეველი კი საქართველოს მასშტაბით 158, 502 - ქუთაისის საარჩევნო ოლქშია რეგისტრირებული, ყველაზე ცოტა 5,776 ამომრჩეველი კი - ყაზბეგში.
რაც შეეხება ამომრჩევლის რაოდენობას თბილისის ტერიტორიაზე ყველაზე მეტი - 140 304 ამომრჩეველი სამგორის საარჩევნო ოლქშია რეგისტრირებული, ყველაზე ნაკლები - 43 831 კი - კრწანისის საარჩევნო ოლქში.
შეგახსენებთ, რომ საქართველოს პრეზიდენტის არჩევნები 27 ოქტომბერს არის დანიშნული.