„უმცირესობისადმი ჩემი რეკომენდაცია იქნება, რომ მომავალი კვირიდან საპარლამენტო მუშაობას დაუბრუნდეს", - ამის შესახებ ჟურნალისტებს პრემიერ-მინისტრ ბიძინა ივანიშვილსა და პარლამენტის თავმჯდომარე დავით უსუფაშვილთან შეხვედრის დასრულების შემდეგ უმცირესობის ლიდერმა დავით ბაქრაძემ განუცხადა. მისი თქმით, ეს იყო ერთ-ერთი საკითხი, რომელიც შეხვედრაზე განიხილეს.
"იყო სურვილი და პოზიცია პრემიერის და პარლამენტის თავმჯდომარის მხრიდან, რომ კარგი იქნება თუ პარლამენტში აღდგება ჩვეულებრივი სამუშაო პროცესი და კანონპროექტების განხილვა წარიმართება აქტიური ოპონირების და საპარლამენტო უმცირესობის მონაწილეობის პირობებში. მე ვფიქრობ, რომ ეს უკვე შესაძლებელია. უმცირესობისადმი ჩემი რეკომენდაცია იქნება, რომ მომავალი კვირიდან საპარლამენტო მუშაობას დაუბრუნდეს", - დასძინა ბაქრაძემ.