ხელისუფლება და ოპოზიცია სახელმწიფო საკონსტიტუციო კომისიის შექმნის საკითხზე შეთანხმდა, - ამის შესახებ ჟურნალისტებს პრემიერ-მინისტრ ბიძინა ივანიშვილსა და პარლამენტის თავმჯდომარე დავით უსუფაშვილთან შეხვედრის დასრულების შემდეგ უმცირესობის ლიდერმა დავით ბაქრაძემ განუცხადა. მისი თქმით, განხილული იყო ბევრი საკითხი და რამდენიმე საკითხზე მოხდა შეთანხმება.
„შევთანხმდით, რომ უახლოეს მომავალში შეიქმნება სახელმწიფო საკონსტიტუციო კომისია. მასში წარმოდგენილი იქნება "ნაციონალური მოძრაობაც", როგორც ძირითადი ოპოზიციური ძალა, ასევე სხვა პარტიები, არასამთავრობო ორგანიზაციები და ექსპერტები. მისი მიზანი იქნება ყოველგვარი სიჩქარის, ფორსირების გარეშე, დინჯად და მშვიდად, ფართო კონსესუსის საფუძველზე შეიმუშაოს კონსტიტუციის ის მოდელი, რომელიც საქართველოსთვის 10 -15 წლის განმავლობაში იქნება ოპტიმალური", - განაცხადა ბაქრაძემ.