.,,ნაციონალური მოძრაობა" მიიჩნევს, რომ ქუთაისის ვიცე-მერების გათავისუფლება უკანონოდ მოხდა. როგორც ჟურნალისტებთან ,,ნაციონალური მოძრაობის" დეპუტატმა ირმა ნადირაშვილმა განაცხადა გათავისუფლებულ ვიცე-მერებს არცერთი გადაცდომა არ უფიქსირდებათ.
„ვიცე-მერების, რომელთაც ქუთაისის განვითარებაში და ფეხზე დაყენებაში მნიშვნელოვანი წვლილი აქვთ შეტანილი ასე გათავისუფლება არის უკანონო და ეწინააღმდეგება კანონს საჯარო სამსახურის შესახებ. მათ არ უფიქსირდებათ არცერთი გადაცდომა, არ მიუღიათ არცერთი გაფრთხილება და მათ მიმართ არ წარმოებს არანაირი ოფიციალური დევნა", - განაცხადა ნადირაშვილმა.
შეგახსენებთ, რომ ქუთაისის მერმა დიმიტრი კოპალიანმა თანამდებობიდან ვიცე-მერები გაათავისუფლა. როგორც თანამდებობიდან გათავისუფლებულებმა განაცხადეს, ახალმა მერმა მათ პოლიტიკური ნიშნით შეუზღუდა უფლებამოსილება.
„ჩვენ ვიყავით და ვრჩებით ნაციონალური მოძრაობის მხარდამჭერები, ამიტომ მოხდა ჩვენი გათავისუფლება, მერს კი სასამართლოში ვუჩივლებთ", - განაცხად
