„9 წლის განმავლობაში „ნაციონალური მოძრაობა" ახერხებდა, რომ ძირითადი ყურადღება გადაეტანათ პიარზე და ინფორმაციის გავრცელებაზე, რა თქმა უნდა ისინი დღეს კიდევ ახერხებენ ამას",_ განაცხადა პრემიერ-მინისტრმა ბიძინა ივანიშვილმა დღეს თბილისში მოწყობილ პრესკონფერენციაზე კითხვაზე პასუხის გაცემისას თუ რატომ აქვს ამდები კითხვა დასავლეთს ვანო მერაბიშვილის დაკავებასთან დაკავშირებით და რატომაა ის დასავლეთის მიერ გაკეთებულ განცხადებებში წარმოჩინებული მსხვერპლად.
„მე ვფიქრობ, რომ ჩვენ გვყავს ძალიან კარგი საგარეო საქმეთა მინისტრი მაია ფანჯიკიძე, სამინისტროც მუშაობს ჩემი აზრით კარგად, რეალობას უნდა გავუწიოთ ანგარიში.
ის რომ 9 წლის განმავლობაში ნაციონალური მოძრაობა მათი ლიდერის მეთაურობით ახერხებდნენ, რომ ძირითადი ყურადღება გადაეტანათ პიარზე და ინფორმაციის გავრცელებაზე. დღეს ისინი კიდევ ახერხებენ და განსაკუთრებით გარეთ.
თუ შიგნით ყველამ კარგად გავიგეთ გარეთ, კიდევ ახერხებენ - ევროპასა და ამერიკაში ხშირად არაობიექტური ინფორმაციის მიწოდებას",_ განაცხადა ბიძინა ივანიშვილმა და აღნიშნა, რომ ნირავის გონია, რომ თითოეული კონგრესმენი ძალიან აქტიურად არის ჩარეული საქართველოს საქმეებში და ძალიან კარგად არის ინფორმირებული ჩვენს ქვეყანაში მიმდინარე მოვლენებზე.
„მათ თავისი შიდა პრობლემები აქვთ. ისევე როგორც ევროპის მხრიდან. ეს ნორმალურია რომ ქვეყანაში რომელიც არის დემოკრატიული განვითარების გზაზე და ხდება მაღალი თანამდებობის პირების დაკავება ძალიან ბევრია ობიექტურობა იმაში, რომ ისინი შეშფოთებას გამოთქვამენ და კითხვებს სვამენ.
ამას ანგარიში უნდა გავიწიოთ. ჩვენ ვახერხებთ მაქსიმალურად ახსნა-განმარტებების მიცემას და ეს პროცესი კოორდინირებულია, შეიძლებოდა ცოტა უკეთესიც, ჩვენ სურვილი გვაქვს ამის და ეს ყველაფერი დალაგდება", _ განაცხადა ბიძინა ივანიშვილმა.
