ოკუპირებული ტერიტორიების შესახებ" კანონის დარღვევად აფასებს" ფრანგი მსახიობის ჟერარ დეპარდიეს სოხუმში სტუმრობას რეინტეგარაციის საკითხებში სახელმწიფო მინისტრის მაოდგილე ქეთევან ციხელაშვილი.
მისი განმარტებით, მსახიობის სოხუმში სტუმრობით კანონი დაირღვა, მაგრამ ჟერარ დეპარდიეს სოხუმში ჩასვლა არ შეიძლება სერიოზულად ჩაითვალოს.
,,დაირღვა საქართველოს კანონი ,,ოკუპირებული ტერიტორიების შესახებ". თქვენ იცით ამ მიმართულებიდან შესვლა აკრძალულია და განხორციელდა სანქცირებული, დასჯადი ქმედება. ჩვენ ვიცით რომ ჟერარ დეპარდიე რუსეთის მოქალაქეა და ეს ვიზიტიც დიდწილად ორკესტრირებული იყო სწორედ, რუსეთის მხრიდან. შეიძლება ის კარგი მსახიობია, მაგრამ ეჭვი მეპარება დეპარდიემ იცოდეს საერთოდ რა ხდება აფხაზეთში", _განაცხადა ,,რუსთავი-2"_თან საუბარში ციხელაშვილმა.
შეგახსენებთ, რომ ფრანგი მსახიობი ჟერარ დეპარდიე რუსეთის მიერ ოკუპირებულ აფხაზეთში ჩავიდა. მსახიობი აფხაზ სეპარატისტთა ლიდერს ალექსანდრე ანქვაბს შეხვდა. შეხვედრაზე ანქვაბმა აღნიშნა, რომ აფხაზეტში ფრანგულ კინოსა და მის ვარსკვლავებს კარგად იცნობენ. ინფორმაციას ამის შესახებ აფხაზური მედია ავრცელებს.
მათივე ინფორმაციით, ჟერარ დეპარდიემ აღნიშნა, რომ მან იცის აფხაზეთის ომის შესახებ და პირველად აფხაზეთის შესახებ გაიგო მაშინ როდესაც სანქტ-პეტერბურგში სერგეი ბაღაფში გაიცნო.
„აფხაზეთი ეს პატარა დიდებული ქვეყანაა", _ განაცხადა დეპარდიემ.
აფხაზ სეპარატისტთა ლიდერმა ალექსანდრე ანქვაბმა დეპარდიეს მონეტები აჩუქა, რომლებზეც აფხაზეთის ტერიტორიაზე მდებარე უძველესი ქართული ხუროთმოძღვრული ძეგლებია გამოსახული.
შეხვედრის შემდეგ დეპარდიემ სოხუმის სანაპიროზე გაისეირნა და მოქალაქეებს გაესაუბრა.
„მე ბედნიერი ვარ, რომ მე მსოფლიოს მოქალაქე ვარ",_ განაცხადა დეპარდიემ.
