დღეს, 30 ივნისს, "ნაციონალური მოძრაობა, ქუთაისში პრაიმერს ჩაატარებს. პრაიმერში მონაწილეობას ნაციონალური მოძრაობის საპრეზიდენტო კანდიდატები- დავით ბაქრაძე, გიორგი ბარამიძე, ზურაბ ჯაფარიძე და შოთა მალაშხია მიღებენ. თითოეულ კანდიდატს დებატების დაწყებამდე მისი მხარდამჭერი წარადგენს, რისთვისაც წარმდგენს 5 წუთიანი რეგლამენტი აქვს გამოყოფილი. დებატებს ირმა ნადირაშვილი გაუძღვება.
პრაიმერის ფარგლებში, თბილისსა და რეგიონებში 6 პრაიმერი გაიმართება.
ყოველი პრაიმერის ბოლოს ნაციონალური მოძრაობა კონკრეტულ პრაიმერში გამარჯვებულს დაასახელებს.
7 ივლისს, პრაიმერის ფარგლებში კონფერენცია გორში ჩატარდება, რომელსაც დელეგატები შიდა ქართლის, სამცხე-ჯავახეთის და მცხეთა-მთიანეთის პარტიული ორგანიზაციებიდან დაესწრებიან. პარტიის პრეზიდენტობის კანდიდატები დებატებს ჯანდაცვის, სოციალური საკითხებისა და სოფლის მეურნეობის თემებზე გამართავენ.
შემდეგი პრაიმერი, 14 ივლისს, თელავში ჩატარდება. მასში მონაწილეობას კახეთის და ქვემო ქართლის პარტიული ორგანიზაციები მიიღებენ. დებატების თემა - ადამიანის უფლებების დაცვა და მართლწესრიგი.
20 ივლისს კი, პრაიმერი ზუგდიდში ჩატარდება, სადაც კანიდატები საგარეო პოლიტიკის და უსაფრთხოების თემაზე იმსჯელებენ.
21 ივლისს პრაიმერი დაგეგმილია ბათუმში, თემა - განათლება, მეცნიერება და კულტურა.
28 ივლისს პრაიმერის თბილისში გაიმართება. და ამავე დღეს გამოვნილნდება ნაციონალური მოძეაობის საპრეზიდენტო კანდიდატი.
პრაიმერში მონაწილე დელეგატების გარდა სასურველი კანდიდატებისთვის ხმის მიცემა ინტერნტით, პარტიის ვებგვერდზეც იქნება შესაძლებელი.
როგორც პრაიმერის საორგანიზაციო ჯგუფს ხელმძღვანელმა გიორგი ვაშაძემ განმარტა, ამ შემთხვევაშიც სრულად არის დაცული ხმის მიცემის ფარულობა. და იმის ინდენტიფიცირება თუ რომელმა ამომრჩეველმა რომელ კანდიდატს მისცა ხმა ფაქტობრივად შეუძლებელია.
ვაშაძის თქმით, ერთი IP მისამართიდან შესაძლებელი იქნება მხოლოდ სამი ხმის მიცემა. რაც შეხება სარეგისტრაციო მონაცმებს, მისი შევსება საჭიროა მხოლოდ და მხოლოდ ამომრჩევლის რეგიოსტრაცისთვის და ეს მონაცლემები არ იდენტიფიცირდება ხმის მიცემასთან.