ახალ ხელისუფლებას იმერეთის გუბერნატორი ვახტანგ ბალავაძე ხარაგაულში შეჩერებული ინფრასტრუქტურული პროექტების გაგრძელებას სთხოვს. გუბერნატორი რაიონში ადგილობრივი ხელისუფლების წარმომადგენლებთან ერთად პრობლემებს ადგილზე გაეცნო.
„რაიონში ამ დრომდე გადაუჭრელია ნაპირსამაგრი სამუშაოების, სასმელი წყლისა და გაზიფიცირების საკითხები. წყლის სათავე ნაგებობაზე არსებული პრობლემების გამო წვიმის დროს სასმელი წყალი ბინძურდება, მისი გაფილტვრა კი ვერ ხერხდება. მოსახლეობა ასევე, მაღალი ძაბვის სადენების მოწესრიგებასაც ითხოვს. რადგან სადენები მოძველებულია ზამთარში ნალექის დროს ხშირად ენერგია არ მიეწოდებათ. მოსახლეობასთან შეხვედრაზე ყურადღება სასოფლო პროგრამებზეც გამახვილდა. ადგილობრივები სასოფლო-სამეურნეო ბარათებისა და ტექნიკის სიმცირეზე საუბრობენ, რამაც დაბა ხარაგაულში აგროვადების დარღვევა გამოიწვია,"- განაცხადა ბალავაძემ.
დღესვე ვახტანგ ბალავაძემ დაბა ხარაგაულში მიმდინარე სამშენებლო სამუშაოები დაათვალიერა, მათ შორის კინოთეატრი, რომელზეც 650 000 ლარი იხარჯება.