რუსი ოკუპანტები სპეციალურ სადგომებზე ინტელექტუალურ ვიდეოლოკატორებს „რუბეჟს" ანთავსებენ, რომლებიც ადამიანის მონაწილეობის გარეშე, ავტომატურ რეჟიმში, პოულობენ დამრღვევებს, აფიქსირებენ მათ ტელეკამერებით და მთელს ინფორმაციას ოპერატიულ ცენტრებში აგზავნიან. თავად ოკუპანტები აღნიშნავენ, რომ დღეისათვის ეს მთელს მსოფლიოში ერთ-ერთი ყველაზე თანამედროვე ობიქტური მაკონტროლებელია სახელმწიფო საზღვრებისა.
სოფელ დიცში მობილიზებული რუსეთის ფედერალური უსაფრთხოების სამსახურის სპეცდანაყოფი ე.წ. საზღვრის მონიშვნას მათივე შედგენილი რუკით ახდენს. საქართველოსა და ე.წ. სამხრეთ ოსეთს შორის რუსი ოკუპანტები კაპიტალურ „ახალ ბერლინის კედელს" აშენებენ.
სიუჟეტში რომელიც დღეს რუსეთი სფედერალურ ტელეარხზე გავიდა კარგად ჩანს რუსეთის სპეცსამსახურების სერიოზული შენაერთიც რომელიც ახლაც დიცშია.
სიუჟეტის ავტორი ვიტალი აკინშინია. სწორედ ეს კორესპოდენტი იმყოფებოდა ფოთში და სენაკში 2008 წლის ომის დროს და იქიდან გადასცემდა სიუჟეტებს.
სეპარატისტების „უძველეს რუკებზე" საკუთარ ტერიტორიად მონიშნული აქვთ მცხეთაც, ავტობანიც, ბაკურიანიც, გორიც და ბორჯომის ხეობაც.
„ეს საქართველოსა და სამხრეთ ოსეთის საზღვარის ერთი მონაკვეთია. მას 2008 წლის აგვისტოს შემდეგ რუსი მესაზღვრეები იცავენ და თავად საზღვარიც ტექნიკური თვალსაზრისით შესამჩნევად შეიცვალა.
30 კილომეტრიან ნაკვეთზე, ცხინვალის რეგიონის დაბლობზე სპეციალურ სადგომებზე ინტელექტუალურ ვიდეოლოკატორებს „რუბეჟს" ანთავსებენ, რომლებიც ადამიანის მონაწილეობის გარეშე, ავტომატურ რეჟიმში, პოულობენ დამრღვევებს, აფიქსირებენ მათ ტელეკამერებით და მთელს ინფორმაციას ოპერატიულ ცენტრებში აგზავნიან.
დღეისათვის ეს მთელს მსოფლიოში ერთ-ერთი ყველაზე თანამედროვე ობიქტური მაკონტროლებელია სახელმწიფო საზღვრებისა.
„საინჟინრო მოწყობის სამუშაოების ჩატარებისას ჩვენი ამოსავალი წერტილი იყო ის რაც მიღებულია მთელს მსოფლიოში. ცალმხრივად ჩვენ ვერ ჩავატარებთ საზღვრის დემარკაციას, ამიტომაც მთელს ამ სამუშაოებს სამხრეთ ოსეთის რესპუბლიკის ტერიტორიის შიგნით ვატარებთ, საზღვრისგან მოშორებით.
ეს დაშორება სხვადასხვაგვარია. ზოგ ადგილებში ეს შეადგენს 50-100 მეტრს, ზოგ ადგილებში ის აღწევს 400 მეტრსაც",_ ამბობს სამხრეთ ოსეთის ე.წ. უშიშროების სასაზღვრო სამსახურის უფროსი სერგეი კოლბინი.
ჩვენი იქ ყოფნის დროს მდგომარეობა საზღვარზე დაიძაბა. ქართული მხრიდან შეიარაღებული ხალხი გამოჩნდა, შემდეგ ტელეკამერებიც მოვიდნენ. სერგეი კოლბინი აცხადებს, რომ ეს პრაქტიკულად სულ ასე ხდება.
„მაშინ როდესაც არც მე არც ჩემს თანმხლებებს და არც კოლეგებს თან არავითარი იარაღი არ გვაქვს", _ ამბობს კოლბინი.
მოგვიანებით საზღვართან საქართველოს მხრიდან ევროკავშირის დამკვირვებლები ჩნდებიან.
საზღვრისპირა ქართულ სოფლებში ახლა აქტიურად ვრცელდება ხმები იმის შესახებ, რომ რუსი მესაზღვრეები, კონტროლის ახალი საშუალებების დამონტაჟების საფარქვეშ თითქოს საზღვარს სწევენ საქართველოს ტერიტორიის შიგნით.
საზღვარს რომელსაც ახლა რუსი მესაზღვრეები ამაგრებენ უხსოვარი დროიდან არის დაფიქსირებული რუკებზე",_ ნათქვამია სიუჟეტში.