საპარლამენტო სესიაზე, საპარლამენტო უმრავლესობამ სახელმწიფო აუდიტის სამსახურის 2012 წლის საქმიანობას არადამაკმყოფილებლად შეაფასა.
სამსახურის უფროსის ლაშა თორდიას განცხადებით, სამსახურის მიმართ დღეს არსებული განწყობა მედიასთან და არასამთავრობო სექტორთან არასწორმა კომუნიკაციამ გამოიწვია. კერძოდ, როგორც თორდია ამბობს, საზოგადოება სამსახურის მთავარ ფუნქციად პარტიების ფინანსურ მონიტორინგს მიიჩნევს, რაც არასწორია.
ლაშა თორდიას განცხადებით, ფინანსური მონიტორინგის სამსახურის ფუნქციების მხოლოდ 5%-ს შეადგენს, ხოლო დანარჩენი 95% აუდიტის აქტების შედგენასა და სახელმწიფო დაწესებულებების შემოწმებაზე მოდის.
თორდია იმასაც ამბობს, რომ ფინანსური მონიტორინგისას პარტიებისა და სხვადასხვა ადამიანების მიმართ არასწორი მიდგომები იყო გამოყენებული.
