„ერთიანი ნაციონალური მოძრაობა" ბოიკოტის ნიშნად საპარლამენტო საქმიანობას წყვეტს. ამის შესახებ საპარლამენტო უმცირესობის წევრებმა საგანგებო ბრიფინგზე განაცხადეს. დეპუტატ ლევან ბეჟაშვილის თქმით, თბილისის მერიისა და საკრებულოს თანამშრომლების გუშინ გვიან ღამით დაკავება, ეს იყო მათი პოლიტიკური პარტიის განადგურების მცდელობა.
„ეს იყო უპრეცედენტო შეტევა „ნაციონალურ მოძრაობაზე", მათ ფაქტობრივად გაიტაცეს ჩვენი მხარდამჭერები. ჩვენ ვერ განვაგრძობთ პარლამენტში ჩვეულებრივ მუშაობას და მივდივართ თბილისში რათა ჩავერთოთ ამ პროცესებში", - განაცხადა ლევან ბეჟაშვილმა.