ამ წუთებში, პარლამენტის იურიდიულ საკითხთა კომიტეტის სხდომაზე საარჩევნო კოდექსში შესატან ცვლილებას განიხილავენ.
აღნიშნული საკანონმდებლო ინიციატივა გულისხმობს, ცვლილებას ამომრჩეველთა სიების ბიომეტრიული პარამეტრებით ფორმირებას.
კომიტეტის თავმჯდომარის ვახტანგ ხმალაძის თქმით, სიების შედგენისას ბაზაში პირის ფოტოსურათი მოხვდება, რომელსაც დაამუშავებენ და ბაზაში არსებულ სხვა მონაცემს შეადარებენ. როგორც ხმალაძე ამბობს, ამგვარი მეთოდი ერთი და იმავე ადამიანის სხვადასხვა საარჩევნო უბანზე მოხვედრასა და ე.წ. „კარუსელების" შესაძლებლობას გამორიცხავს.
ვახტანგ ხმალაძის თქმით, ბიომეტრიული პარამეტრებით საარჩევნო სიების ფორმირება ხანგრძლივი პროცესია და ის ადგილობრივი თვითმმართველობის არჩევნებამდე დასრულდება.
მასალის გამოყენების პირობები
