„საქართველოს ხელისუფლება ისრაელში იარაღისა და სტრატეგიული პარტნიორობისათვის ჩავიდა", _ წერს ებრაული მედია.
„24 ივნისს დილით, ისრაელში ქართული სამთავრობო დელეგაცია ჩამოვიდა, რომელსაც პრემიერ მინისტრი ბიძინა ივანიშვილი ხელმძღვანელობს. თბილისს იერუსალიმთან სტრატეგიული პარტნიორობა და იარაღი აინტერესებს", _ ნათქვამია გავრცელებულ ინფორმაციაში.
მათივე ინფორმაციაში, დღეს ბიძინა ივანიშვილი პრეზიდენტ შიმონ პერესს და იერუსალიმის პატრიარქს თეოფილე III შეხვდება. ხვალ მას დაგეგმილი აქვს შეხვედრა პრემიერ-მინისტრ ბენიამინ ნეთანიაჰუსთან, ქნესეთის სპიკერთან და ისრაელის სხვა ოფიციალურ პირებთან. საქართველოს პრემიერი ასევე გამართავს შეხვედრას რეპატრიანტებთან საქართველოდან და წამყვან ებრაელ ბიზნესმენებთან.
ამას გარდა, მათივე ინფორმაციითმ ქართული დელეგაცია აპირებს ეწვიოს ერთ-ერთ წამყვან ებრაულ საწარმოს და დააყენოს საკითხი იარაღის შესყიდვის განახლების შესახებ, მათ შორის უპილოტო მზვერავ თვითმფრინავებისა და ტანკსაწინააღმდეგო და საზენიტო -სარაკეტო კომპლექსების შესახებ.
აღსანიშნავია, რომ ასევე ებრაული მედიის ინფორმაციით, საქართველოს პრემიერ-მინისტრის ვიზიტის შემდეგ ისრაელში ვიზიტს საქართველოს თავდაცვის მინისტრი ირაკლი ალასანია გეგმავს.
