საქართველოს პრეზიდენტის ვიზიტი იტალიის რესპუბლიკაში დაიწყო. აეროპორტში მიხეილ სააკაშვილს FAO-ს ხელმძღვანელობა, საქართველოს საგარეო საქმეთა მინისტრის მოადგილე დავით ჯალაღონია, საქართველოს ელჩი იტალიაში და რომში განლაგებულ გაეროს საერთაშორისო ორგანიზაციებში საქართველოს მუდმივი წარმომადგენელი კარლო სიხარულიძე და სხვები დახვდნენ.
შეგახსენებთ, რომ პრეზიდენტი იტალიაშიც გაეროს სურსათისა და სოფლის მეურნეობის ორგანიზაციის მიერ დაგეგმილ კონფერენციაში მონაწილეობის მისაღებად ჩავიდა. მიხეილ სააკაშვილი სიტყვით წარსდგება ფორუმის მონაწილეთა წინაშე და ამ მიმართულებით საქართველოში განხორციელებულ პროექტებზე ისაუბრებს.
გაეროს სურსათისა და სოფლის მეურნეობის ორგანიზაცია (FAO) - სოფლის მეურნეობის მიმართულებით გაეროს სისტემის უმთავრეს, სპეციალიზებულ სააგენტოს წამოადგენს, რომლის შტაბ-ბინაც რომში მდებარეობს
