"ელიტ-ელექტრონიქსი" ,,არდი ჯგუფთან" ერთად ახალი პროდუქტის განხორციელებას იწყებს. როგორც დღეს გამართულ პრესკონფერენციაზე "ელიტ-ელექტრონიქსის" სერვის მენეჯერმა ნინო დანელიამ განაცხადა აღნიშნული პროდუქტი ,,ელიტ-ელექტრონიქსის" მომხმარებლებისთვის მეტად ხელსაყრელი იქნება.
,,აღნიშნული პროდუქტი მისაღები იქნება ჩვენი კლიენტებისთვის, რადგან არსებობს ნივთები რომლებზეც საგარანტიო პირობები სრულად არ ვრცელდება შესაბამისად აღნიშნული პროდუქტი მომხმარებლებს დააინტერესებს", -განაცხადა ნინო დანელიამ.
როგორც ,,ელიტ-ელექტრონიქსში" განმარტავენ ,,არდი ჯგუფისა" და "ელიტ-ელექტრონიქსის" ერთობლივი Yპროდუქტი არის უპრეცედენტო შეთავაზება: საყოფაცხოვრებო ტექნიკის დაზღვევა მხოლოდ 2%.
აქცია 1 ივნისიდან დაიწყება და "ელიტ-ელექტრონიქსში" შეძენილი საყოფაცხოვრებო ტექნიკა მომხმარებელს შეუძლია ,,არდი ჯგიფში" დააზღვიოს.
შეძენილი პროდუქტის საფასურის 2% -ის ერთჯერად გადახდის სანაცვლოდ შეძენილი ნივთი ერთი წლის განმავლობაში დაზღვეული იქნება ყველა იმ რიკისგან რომელიც არ შედის საგარანტიო პირობებში.
დაზღვევით დაფარული რისკებია: ქურდობა, ძარცვა, ყაჩაღობა, გატეხვა-დამსხვრევა, წყლით გამოწვეულითა და ხანძრით გამოწვეული ზიანი.
,,არდი ჯგუფის" წარმომადგენლის გიორგი ლომიძის განმარტებით, აღნიშნული პროდუქტი ,,ელიტ-ელექტრონიქსის" მომხმარებლებისთვის მისაღები და ხელსაყრელი გახდება, რადგან ,,არდი ჯგუფი" დაზღვევს ყველა იმ რიკს რაც გარანტიით გაწერილი არ იქნება.
მისივე განმარტებით კონკრეტული საფასური დადგენილი არ არის, თუმცა დაიზღვევა, მაგალითად უთო, ფენი და სხვა ძვირადღირებული ნივთები.
