ვანო მერაბიშვილის ადვოკატმა შესაძლოა სააპელაციო სასამართლოს გადაწყვეტილება სტრასბურგში გაასაჩივროს.Aამის შესახებ ჟურნალისტებთან ,,ნაციონალური მოძრაობის" გენერალური მდივნის ვანო მერაბიშვილის ადვოკატმა გიორგი ჩივიაშვილმა მისი დაცვის ქვეშ მყოფთან შეხვედრის შემდეგ განაცხადა და აღნიშნა, რომ მერაბიშვილს ციხის ადმინისტრაციასთან არანაირი პრეტენზია არ აქვს.
"ჩვენ ასევე გავიარეთ შემდეგი სტრატეგია, რა ფორმატში განვაგრძობთ დაცვის უფლების განხორციელებას. საქართველოში გასაჩივრების შესაძლებლობა უკვე ამოწურულია. გვაქვს ექვსთვიანი ვადა სტრასბურგში გასაჩივრებისთვის, თუმცა სტრასბურგთან დაკავშირებით ბოლომდე ჯერ არ ვართ ჩამოყალიბებული და ეს საკითხი განხილვის პროცესშია", - განაცხადა ჩივიაშვილმა.
შეგახსენებთ, რომ გამოძიება საქართველოს ყოფილ პრემიერ-მინისტრს 2012 წლის პირველი ოქტომბრის საპარლამენტო არჩევნებში პოლიტიკური გაერთიანება "ერთიანი ნაციონალური მოძრაობის" სასარგებლოდ ამომრჩეველთა მოსყიდვას და კვარიათში ზღვის პირას მდებარე, შპს "საერთაშორისო საინვესტიციო კომპანიის" კუთვნილი ფეშენებელური აგარაკის მითვისებაში ადანაშაულებს.
