დავით დარახველიძემ პანკიხხ ხეობაში გლუკის მხარდაჭერით მიმდინარე პროექტებსაც გაეცნო. ამ პროექტის ფაგლებში მცირე საწარმოებიც დაათვალიერა. ასევე, ჩეჩენ ლტოლვილთა საკოორდინაციო საბჭოში ბავშვებსაც შეხვდა, რომლებიც სხვადასხვა ხელსაქმეს სწავლობენ, ეუფლებიან ინგლისურს, კომპიუტერზე მუშაობას.
დუისის კლუბში კი მინისტრი დავით დარახველიძე, მინისტრის მოადგილე ნინო ჭავჭავაძე და გაეროს ლტოლვილთა უმაღლესი კომისარი სიმონე ვოლკენი სოფელში მცხოვრებ ლტოლვილებს შეხვდნენ და მათ კითხვებსაც უპასუხეს.

როგორც ერთ-ერთმა ყოფილმა ლტოლვილმა (რომელმაც საქართველოს მოქალაქეობა უკვე მიღო) კაკო ბორჩაშვილმა აღნიშნა, სოციალური პრობლემები მოსათმენია, მთავარია თავისუფლების შეგრძნება, რომელიც ლტოლვილებს დღეს ნამდვილად გაუჩნდათ: „მე ვარ ყოფილი ლტოლვილი, საქართველოს მოქალაქეობა მივიღე. ყველაზე მნიშვნელოვანი ჩვენთვის არის თავისუფლება და უსაფრთხოება, რასაც წლების განმავლობაში ვერ ვგრძნობდით და შიშის ქვეშ ვცხოვრობდით. თასუფლებას ჩვენთვის განსაკუთრებული მნიშვნელობა აქვს. მას თავისებური სეკეთე მოაქვს ჩვენთვის. ხელისუფლების ცვლილების შემდეგ თავისუფლების შეგრძნება ნამდვილად გაგვიჩნდა. მშვიდად ვართ და სხვა მატერიალური და სოცალური პრობლემები მოსათმენია."
როგორც დავით დარახველიძემ აღნიშნა, ლტოლვილი მოსახლეობის უსაფრთხოება დაცულია და დემოკრატიული ღირებულებებისადმი პატივიცემა კიდევ უფრო გაძლიერდება: „ყველაზე მნიშვნელოვანი, რაც საკუთარ გამოსვლებში ზოგმა ნატურალიზებულმა და ზოგმა ჯერ კიდევ ლტოლვილმა აღნიშნა, ის არის, რომ ახალი ხელისუფლების პირობებში მათთვის ყველაზე მნიშვნელოვანი თავისუფლების განცდა და შიშის ფაქტორის მოხსნაა. ეკონომიკური პროექტები, რაც გაეოს ლტოლოვლთა უმაღლესი კომისარიატის დახმარებით განხორცილდა, ასევე მნიშვნელოვანია, თუმცა, მათი შეფასებით, მეორე ხარისხოვანი. მათი წუხილია, ახალი მთავრობის საერთაშორისო პოლიტიკიდან გამომდინარე, მათ უსაფრთხოებას საფრთხე ხომ არ ემუქრება. მე მათ ვუთხარი და დავმშვიდე, რომ არანაირი საფრთხე მათ არ ელით. პირიქით, ახალი ხელისუფლების პიროებებში გაძლიერდება დემოკრატიული ღირებულებებისადმი პატივიცემა.
დავით დარახველიძემ ლტოლვილთა ყველა კითხვას უპასუხა და აღნიშნა, რომ მსგავსი შეხვედრა პერიოდულად გაიმართება