საქართველოში მცხოვრები 40 ათასი დევნილი ოჯახის, დაუყოვნებლივ ფართით დაკმაყოფილება უნდა მოხდეს. ამის შესახებ განცხადება საქართველოს ლტოლვილთა და განსახლებისა მინისტრის პირველმა მოადგილემ გოგი ფაცაციამ ქუთაისში გააკეთა. მისი თქმით აღნიშნული 40 ათასამდე ოჯახი უმძიმეს სოციალურ პირობებში ცხოვრობს და მათ დასახმარებლად სამინისტრომ 4 წლიანი პროექტი შეიმუშავა, რომლის მიხედვითაც ამ პროექტის ფარგლებში მათ საცხოვრებელი ფართები გადაეცემათ.
„20 ათასი დევნილი ოჯახი ცხოვრობს თბილისში, დანარჩენი 20 ათასი კიდევ მთელი საქართველოს მაშტაბით, რომლებიც მწვავე საბინაო პრობლემების წინაშე დგანან. ამ ადამიანებისათვის შევქმენით სპეციალური პროექტი, და უახლოეს წლებში ეტაპობრივად მოხდება მათზე ფართის გადაცემა" განაცხადა გოგი ფაცაციამ.
