დღეს, 24 მაისს, 11:00 საათიდან „საერთაშორისო გამჭვირვალობა - საქართველო" სასტუმრო „თბილისი მარიოტში" მართავს კონფერენციას: ფარული თვალთვალი და პირადი მონაცემების დაცვა: მთავარი გამოწვევები
„საერთაშორისო გამჭვირვალობა - საქართველო", „საქართველოს ახალგაზრდა იურისტთა ასოციაცია" და „რეფორმებისა და ინოვაციების ცენტრი" კონფერენციაზე მიმოიხილავენ სტატუსკვოს, შეაფასებენ არსებულ კანონმდებლობას ადამიანის უფლებათა ევროპული სასამართლოს სტანდარტებთან მიმართებაში და გამოვლენ საკანონმდებლო ჩარჩოს გასაუმჯობესებლად კონკრეტული რეკომენდაციებით.
ღონისძიებაზე მოწვეულნი არიან და სიტყვა მიეცემათ მთავრობის წარმომადგენლებს, პარლამენტის წევრებს, დიპლომატიური კორპუსს: აშშ საელჩო, ჰოლანდიის საელჩო, შვედეთის საელჩო, ევროკავშირის წარმომადგენლობა, ევროპის საბჭო.
ასევე მოწვეულნი არიან მობილური და ინტერნეტპროვაიდერი კომპანიების წარმომადგენლები.
ღონისძიება სინქრონული ქართულ-ინგლისური თარგმანით წარიმართება.