23 მაისს, სადახლოს საბაჟო გამშვები პუნქტის გავლით, სოხეთიდან საქართველოში სომხეთის მოქალაქე ნარა ს. შემოვიდა. ნარა ს.-მ ფიზიკური პირის დეკლარაციით მხოლოდ ძვირფასი ლითონების ნაწილის: ბეჭედი -7 ცალი, საყურე-2 წყვილი, ჯვარი- 1ცალი, ძეწკვი -1 ცალი დეკლარირება მოახდინა. მოგვიანებით, ბარგის, ხელბარგისა და მოქალაქის ფიზიკური დათვალიერების შედეგად, შემოსავლების სამსახურის საბაჟო დეპარტამენტის თანამშრომლებმა არადეკლარირებული, სავარაუდოდ, ოქროს ნაკეთობები: ბეჭედი - 7 ცალი, საყურე - 6 წყვილი, კულონი - 7 ცალი, ჯვარი - 4 ცალი, ძეწკვი - 3 ცალი აღმოაჩინეს.
არადეკლარირებული საქონელი, თბილისის აეროპორტის ექსპერტიზის განყფილების დასკვნის საფუძველზე, 6726,59 ლარად შეფასდა. შესაბამისად, სომხეთის მოქალაქე ნარა ს. საგადასახადო კოდექსის 289 მუხლის მე-10 ნაწილით თანახმად დაჯარიმდა და სანქციის სახით 6726,59 ლარი შეეფარდა.