დღეს, 21 მაისს, 14:00 საათზე, დასავლეთ საქართველოს საოლქო პროკურატურაში "ნაციონალური მოძრაობის" გენერალურ მდივანს, ვანო მერაბიშვილსა და კახეთის გუბერნატორ ზურაბ ჭიაბერაშვილს დასაქმების პროგრამასთან დაკავშირებით დაკითხავენ.
"ჩვენი პოლიტიკური საქმიანობის საპასუხოდ ხელისუფლება კვლავ აგრძელებს თავის ძველ მეთოდს უკვე, როდესაც საქმეში ჩაერთო პროკურატურა. ბუნებრივია, მე უწყება ჩავიბარე და 14:00 საათზე უნდა გამოვცხადდე ქუთაისში. ხელისუფლება, რაღაცა მომენტში, გარკვეული მიზეზების გამო, თითქოსდა შეჩერებული იყო, მაგრამ ახლა, იმ ფონზე, როდესაც ხელისუფლება ვერ ასრულებს ვერანაირ დანაპირებს და ჩვენ ვხედავთ ქაოსს თბილისის ქუჩებში, ხელისუფლება უუნაროა, შეასრულოს წინასაარჩევნო დაპირებები და იჩენს უნარს, რომ ჩვენ, ისინი ვინც ხალხთან ერთად ვდგავართ, გვიბარებენ პროკურატურაში'', - განაცხადა ჭიაბერაშვილმა.
დასავლეთ საქართველოს საოლქო პროკურატურაში სამუშაოს მაძიებელთა აღრიცხვის პროგრამასთან დაკავშირებით მერაბიშვილი და ჭიაბერაშვილი 13 თებერვალსაც დაიკითხნენ.
