აფხაზურმა მხარემ ჟენევის საერთაშორისო მოლაპარაკება მორიგი რაუნდის დღის წესრიგში აფხაზეთის დეიზოლაციის საკითხის ჩასმა მოითხოვა, რაც სეპარატისტების განმარტებით, აფხაზეთის ე.წ. მოქალაქეებისათვის აფხაზური და რუსული საზღვარგარეთის პასპორტებით მსოფლიოს სხვა და სხვა ქვეყანაში გამგზავრების უფლების მინიჭებას გულისხმობს.
აღნიშნული მოთხოვნა სეპარატისტებმა სოხუმში ჩასულ ჟენევის საერთაშორისო მოლაპარაკებათა თანათავმჯდომარეებს წაუყენეს.
"ეს ეხება აფხაზური და რუსული საზღვარგარეთის პასპორტებით მსოფლიოს სხვა და სხვა ქვეყანაში გამგზავრების უფლებას. ჩვენი ატესტატების აღიარებას იმისათვის რათა ჩვენს აბიტურიენტებს ევროპის სხვა და სხვა სასწავლებლებში სწავლის გაგრძელების უფლება ჰქონდეთ", _ აცხადებს ვიაჩესლავ ჩირიკბა.
შეგახსენებთ, რომ ჟენევის საერთაშორისო მოლაპარაკებათა თანათავმჯდომარეებმა სოხუმში დღეს შეხვედრა გამართეს. სოხუმის შემდეგ, თანათავმჯდომარეთა დელეგაცია თბილისში ჩამოვა, შემდეგ კი ცხინვალში გაემგზავრება. ჟენევის საერთაშორისო მოლაპარაკებათა მორიგი რაუნდი 25-26 ივნისს გაიმართება.
მასალის გამოყენების პირობები
