,,პრემიერ-მინისტრის განცხადება არასწორია", -განაცხადა ,,ჯი-ეიჩ-ენთან" საუბარში საიას თავმჯდომარემ კახა კოჟორიძემ ბიძინა ივანიშვილის განაცხადების კომენტირებისას.
მისივე განცხადებით მართებული იქნებოდა პრემიერ-მინისტრს წარმოედგინა კონკრეტული ფაქტები თუ სად, როდის რა ვითარებაში გადააჭარბა საიამ უფლებამოსილებას.
,,ჩვენი პოზიცია არის, რომ ნებისმიერი არასამთავრობო ორგანიზაციის მოქმედება არ უნდა გასცდეს კანონის ჩარჩოებს და უნდა ჯდებოდეს კანონის ფარგლებში, მათ შორის საიას ქმედება. თუმცა როცა კონკრეტული ბრალდება გაკეთდა პრემიერის მხრიდან, რომ საია გასცდა თავის უფლებებს, ჩვენ ვისურვებდით ბიძინა ივანიშვილს წარმოდგენინა კონკრეტული ფაქტები თუ სადა, რა ვითარებაში გადააჭარბა საიმ თავის უფლებამოსილებას, რომ შემდეგ გვემსჯელა ბრალეულობაზე", _განაცხადა ,,ჯი-ეიჩ-ენთან" საუბარში კახა კოჟირიძემ.
შეგახსენებთ, რომ ბიძინა ივანიშვილის განცხადებით საიმ თავის უფლებამოსილებას გადააჭარბა. კარგია, როცა სამოქალაქო საზოგადოება ძლიერია, თუმცა, მან არ უნდა გადააჭარბოს თავის უფლებებს, - განაცხადა საქართველოს პრემიერ-მინისტრმა ბიძინა ივანიშვილმა მედიასთან გამართულ შეხვედრაზე და მაგალითად ახალგაზრდა იურისტთა ასოციაცია დაასახელა. ჟურალისტმა პრემიერს საია-ს 13 მაისის განცხადებასთან დაკავშირებით დაუშვა, რომლის მიხედვით, საიამ სოფლის მეურნეობის სამინისტროს დაკავეული ყოფილი მაღალჩინოსნების ზეწოლაზე ისაუბრა.
"საია-ს განცხადებას რაც შეეხება, მათ აქვთ უფლება ეს ეჭვი გამოთქვან და პროკურატურა და ჩვენც დავინტერესდებით, კანონმდებლობით როგორ არის შესაძლებელი. გამოძიებაში არ ვერევი, მე ვერც იმას მოგახსენებთ, რამდენად სწრაფად დასრულდება. ზოგადად ვკითხულობ და მეუბნებიან, რომ ფაქტებია საკმარისზე მეტი და მე არ მაქვს იმის იქით ჩარევის უფლება გამოძიებაში", - განაცხადა ბიძინა.
„საზოგადოებამ მინდა გაიგოს, სახელმწიფოსაც ჰყავს სტრუქტურები, სტრუქტურებს აქვს თავისი დანიშნულება, სახელმწიფოში არსებობს კანონი და ყველას აქვს კანონის მიხედვით თავისი უფლების განხორციელების საშუალება და ზედმეტ აქცენტს ნუ მივცემთ, საია-მ თქვა და ქვეყანა უნდა აყირავდეს, არც ასეა საქმე. მე მგონი, რომ მათ გადააჭარბეს თავის უფლებებს, მაშინ მე კითხვა არ დამისვია და რეაქცია არ გავაკეთე, მაგრამ მე მაინც იქ ვრჩები, რომ სამოქალაქო საზოგადოებამ მაქსიმალურად იაქტიუროს და გნებავთ გადააჭარბონ თავის უფლებებს, გნებავთ საია-მაც. ოღონდ საზოგადოებას ვახსენებ, ნუ წარმოიდგენთ საია-ს სახელმწიფო სტრუქტურად. ეს არის სამოქალაქო საზოგადოების ნაწილი და მათ აქვთ აზრის გამოთქმის უფლება და საზოგადოებამ უნდა გააკეთოს კარგი ანალიზი", -განაცხადა ბიძინა ივანიშვილმა.
