სამეგრელო-ზემო სვანეთის ყოფილი გუბერნატორის ზაზა გოროზიას თითქმის ხუთ საათიანი დაკითხა ვაკის პოლიციის განყოფილებაში დასრულდა. მან პოლიცია კომენტარის გარეშე დატოვა.
გავრცელებული ინფორმაციით, გოროზიას დაკითხვა ფრანგულ რესტორანში მომხდარ ინციდენტს უკავშირდება.
შეგახსენებთ, რომ 12 მაისს „ლა ტრუფე"-ში მომხდარი ინციდენტის შედეგად ,,ნაციონალური მოძრაობის" დეპუტატები დაშავდნენ, მათ შორის ზაზა გოროზია.
დაკითხვამდე ზაზა გოროზიამ ”ჯი-ეიჩ-ენს” განუცხადა, რომ რესტორანში მყოფი ნაციონალური მოძრაობის წევრების მხრიდან არავითარ აგრესიას ადგილი არ ქონია.
""შეიძლება რომ 30 კაცი ვყოფილიყავით და სამს ვეცემეთ? ყველა ვეუბნებოდით რომ გაჩერებულიყვნენ მაგრამ ჩხუბი უნდოდათ. ვაკესა და ვერაზე თქვენ ვერ იქეიფებთ, გვაძახებდნენ რომ თქვენი დრო წავიდაო, ეს ყველაფერი სპეციალურად გააკეთეს", - განუცხადა "ჯი-ეიჩ-ენს" გოროზიამ.
