,,გაოგნებული ვარ, რატომ და როგორ მოუვიდა შეცდომა გელა ხვედელიძეს", -განაცხადა პარლამენტის თავმჯდომარემ დავით უსუფაშვილმა შს მინისტრის ყოფილი მოადგილის გელა ხვედელიძის დაკავების კომენტირებისას და აღნიშნა, რომ იგი პირადად დაახლოებით ერთი წლის წინ გაიცნო.
,,ადამიანურად, რა თქმა უნდა, თანავუგრძნობ, მაგრამ სახელმწიფო ცხოვრებაში უფრო მნიშვნელოვანია პასუხისმგებლობა, კანონის უზენაესობა და ის, რომ მსგავსი ფაქტები დაუსჯელი არ დარჩეს", _ განაცხადა დავით უსუფაშვილმა და აღნიშნა, რომ კანონის წინაშე ყველა თანასწორია.
"ამგვარი ზომების მიღება არა თუ შესაძლებელი, არამედ გარდაუვალია ყველა იმ ადამიანის მიმართ, ვინც ვერ გაუძლებს სხვადასხვა ტიპის ცდუნებას და ხელი წაუცდება დანაშაულის ჩადენაზე - რა მოტივითაც არ უნდა იყოს ეს. თვეების განმავლობაში ჩვენ ერთად ვმუშაობდით და ვწუხვარ ამ ფაქტზე, მაგრამ ყველა ვართ ინდივიდუალურები და ჩვენს მოქმედებებზე პირადად უნდა ვაგოთ პასუხი", - განაცხადა უსუფაშვილმა.