მოძრაობა „ეროვნულების" ლიდერი სანდრო ბრეგაძე Prime Time საქართველოში ჩინური მაფიის გაძლიერების საფრთხეზე საუბრობს. ბრეგაძის თქმით, საქართველოში აფრიკისა და აზიის ქვეყნებიდან ძალიან ბევრი არალეგალი ჩამოდის,რომლებიც საკუთარ ქვეყნებში სხვადასხვა მძიმე დანაშაულისთვის იძებნებიან და შეცვლილი გვარ-სახელით საქართველოს აფარებენ თავს.
„თქვენ კარგად მოგეხსენებათ, რომ ჩინური მაფია არის ერთ- ერთი ძლიერია მთელს მსოფლიოში, ამერიკის სამართალდამცავებიც კი, მას განიხილავენ, როგორც ერთ-ერთ ყველაზე დიდი დანაშაულებრივ სინდიკატს. მისი ფილიალი არის ჩვენთან პეროვსკაიაზე , რომელიც მოქმედებს, ჩინური მასაჟს საფარქვეშ. ბოლო ხანს, თბილისის ქუჩებში გადაადგილდებიან აფრიკელები და ჩინელები, საკამოდ ძვირადღირებული მანქანებით და ცეცხლსასროლი იარაღებით. დღეს ეს არის ჩანასახი, მაგრამ ჩვენ ეს თუ ჩანასახშივე არ მოვსპეთ, მივიღებთ საშინელ სიტუაციას, შედეგები კი იქნება გაცილებით მძიმე ვიდრე, 2008 წლის ომის დროს იყო. მოვითხოვ უახლოვეს დღეებში დალუქონ ყველა მსგავსი ასეთი საეჭვო დაწესებულება, მოახდინონ კრიმინალი არალეგალების თავიანთ ქვეყნებში დეპორტაცია და გამკაცრდეს მიგრაციის კანონი. მე არ გამოვრიცხავ, რომ უახლოეს ხანში დაიწყოს შეტაკებები, საქართველოს მოქალაქეებსა და ჩამოსულ არალეგალების შორის. ამის პირველი ნიშნები უკვე გამოჩნდა. დილით, იპოდრომზე რომ გამოხვიდეთ, ნახავთ, რომ სავსეა მიმდებარე ტერიტორია ამ ადამიანებით, რამდენჯერმე უკვე გადაიზარდა დაპირისპირებაში ადგილობრივებთან შელაპარაკება. ეს სიტუაცია არის პიკზე მისული და შეიძლება თბილისის ქუჩებში ვიხილოთ მასობრივი დაპირისპირებები.ამიტომ კიდევ ერთხელ ვიმეორებ, საჭიროა დროული რეაგირება", - განაცხადა სანდრო ბრეგაძემ.