გელა ხვედელიძის ორ წლამდე პატიმრობა ან ჯარიმა ემუქრება. საქმე შს მინისტრის ყოფილი პირველი მოადგილის წინააღმდეგ სისხლის სამართლის კოდექსის 157 მუხლით არის აღძრული, რაც პირადი ან ოჯახური საიდუმლოს ხელყოფას გულისხმობს.
მეორე ეპიზოდში კი, რომელითაც სისხლის სამართლებრივი დევნა მიმდინარეობს, ვკითხულობთ: _" პირადი ან ოჯახური საიდუმლოს უკანონოდ გამოყენება ანდა გავრცელება ამა თუ იმ ხერხით გავრცელებულ ნაწარმოებში, მასობრივი მაუწყებლობით ან სხვა საჯარო გამოსვლისას, -ისჯება ჯარიმით ან გამასწორებელი სამუშაოთი ვადით ორ წლამდე ანდა თავისუფლების აღკვეთით იმავე ვადით."
გელა ხვედელიძისთვის ბრალი ჯერ ოფიციალურად არ წაუყენებიათ, მოქმედი კანონმდებლობით ამისთვის შსს დაკავებიდან 48 საათიანი ვადა აქვს, რომელიც ხვალ იწურება.