დღეს, 13 მაისს, 17:30 საათზე სოციალურ მეცნიერებათა ცენტრისა და საქართველოს პარლამენტის ეროვნული ბიბლიოთეკის ორგანიზებით ამერიკელი ქართველოლოგის, პროფესორ სტივენ ჯონსის ახალი წიგნის "საქართველოს პოლიტიკური ისტორია დამოუკიდებლობის აღდგენიდან დღემდე" პრეზენტაცია გაიმართება.
პროფესორ სტივენ ჯონსის 2012 წელს გამოცემული წიგნი წარმოადგენს საქართველოს დამოუკიდებლობის შემდგომი, ბოლო ოცი წლის პოლიტიკური ისტორიის ძალზედ საინტერესო, სინთეზურ ანალიზს, რომელშიც გამოყენებულია ადგილობრივი და საერთაშორისო რესურსები, ასზე მეტი პირადი ინტერვიუ მინისტრებთან, პრეზიდენტებთან, ელჩებთან და ქვეყნის მართვისა და განვითარების პროცესებში მონაწილე წამყვან პოლიტიკურ პირებთან. წიგნი მოიცავს ბოლო 20 წლის განმავლობაში ქვეყანაში მიმდინარე სამუშაო პოლიტიკური პროცესების, ამომრჩეველთა ქცევის, სახალხო მოძრაობებისა და სოციალური ორგანიზაციების შესახებ ე.წ. bottom-up ანალიზს.
