,,ფოთის ღვთისმშობლის შობის საკათედრო ტაძარი საქართველოს განახლებისა და აღდგომის სიმბოლოა", - ბრძანა სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ფოთის საკათედრო ტაძარში საზეიმო წირვის დასრულების შემდეგ.
,,დღეს ჩვენ შევთხოვეთ უფალს, რათა მოგვანიჭოს მშვიდობა და სულთა ჩვენთა დიდი წყალობა. ადამიანის ცხოვრება, ისევე, როგორც მთელი ერის ცხოვრება, განსაცდელებით არის სავსე, მაგრამ ჩვენ უნდა გვახსოვდეს, რომ უფალი განაგებს ამ ქვეყანას და ყოველი ადამიანის ბედს. უფალი იქ წყვეტს და აქ სრულდება", - ბრძანა უწმინდესმა, რომელმაც დიდი ქართველი მოღვაწე ნიკო ნიკოლაძე გაიხსენა და აღნიშნა, რომ მისი, უშუალო ჩარევით აშენდა ფოთიც და საკათედრო ტაძარი.
