მსახიობ ოთარ მეღვინეთუხუცესს დღეს დიდუბის პანთეონში 15: 00 საათზე დაკრძალავენ.
მსახიობი გუშინ საღამოს მარჯანიშვილის თეატრში გადაასვენეს, სადაც დღეს დილიდან სამოქალაქო პანაშვიდი მიმდინარეობს.
შეგახსენებთ, რომ 9 მაისს ხანგრძლივი ავადმყოფობის შემდეგ, 81 წლის ასაკში, მსახიობი ოთარ მეღვინეთუხუცესი გარდაიცვალა. ოთარ მეღვინეთუხუცესი დაიბადა 1932 წლის 16 იანვარს, თბილისში. 1954 წელს დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი. იგი იყო საქართველოსა და საბჭოთა კავშირის სახალხო არტისტი, მიღებული აქვს რუსთაველის სახელმწიფო , კოტე მარჯანიშვილის სახელობის და სხვა პრემიები.ოთარ მეღვინეთუხუცესი მონაწილეობდა ფილმებში: "დათა თუთაშხია", "ფატიმა", "ვედრება", "დიდოსტატის მარჯვენა", "მთვარის მოტაცება, "ნატვრის ხე", "კეთილი ადამიანები", "მზე შემოდგომისა". მას ასევე უამრავი როლი აქვს შესრულებული რუსთავისა და მარჯანიშვილის თეატრებში.