ივანე მერაბიშვილი მთავრობას გლეხებისთვის 120-ლარიანი ბარათების დარიგებას სთავაზობს. როგორც ჟურნალისტებთან ,,ნაციონალური მოძრაობის" გენერალურმა მდივანმა ივანე მერაბიშვილმა განაცხადა სასოფლო სამეურნეო პროგრამის განხორცილების დროს ხელისუფლებამ ბევრი შეცდომა დაუშავა, რის შედეგად ქართველმა გლეხებმა 80 მილიონი ლარი დაკარგეს.
მერაბიშვილის განცხადებით, გლეხებს შესაძლებლობა უნდა მისცემოდათ, რომ ბარათებზე დარიცხული თანა ბანკში გაენაღდებინათ.
,,მომდევნო კვირიდან ჩვენი ფრაქცია პარლამენტში დაიწყებს აქტიურ მუშაობას, როგორც საკომიტეტო მოსმენებზე, ფრაქციის შეკრებებზე. მოვიწვევთ მთავრობის წარმომადგენლებს და იმედია, გათვალისწინებენ ჩვენი და რაც მთავარია ხალხის პრეტენზიებს", _ განაცხადა მერაბიშვილმა, რომელმაც ჟურნალისტებს ,,ნაციონალური მოძრაობის" ინიციატივა გააცნო.
,,ჩვენ გამოვდივართ ინიციატივით, რომ ის დანაკარგი 80 მილიონი რომელიც იქნა დატაცებული და ქართველი გლეხებისგან წართმეული საკომპენსაციოდ თუნდაც საშემოდგომოდ თითოეულ ოჯახზე 120-ლარიანი ვაუჩერი, ან ბარათი დარიგდეს. ოღონდ ამ ბარათზე დაშვებული იქნას, რომ ბანკში შესაძლებელი იყოს ფულის განაღდება", -განაცხადა მერაბიშვილმა.
მასალის გამოყენების პირობები