გიორგი ვაშაძე საპრეზიდენტო კანდიდატისთვის შესარჩევ პრაიმერში მონაწილებას არ მიიღებს. ამის შესახებ ,,ნაციონალური მოძრაობის" წევრმა გიორგი ვაშაძემ ,,პირველი რადიოს" პრესკლუბში სტუმრობისას განაცხადა და აღნიშნა, რომ ამისთვის ასაკი ხელს არ უწყობს.
მისივე განცხადებით, კარგი იქნება თუ "ნაციონალური მოძრაობის" პრაიმერში დაახლოებით, ხუთი საპრეზიდენტო კანდიდატი მაინც მიიღებს მონაწილეობას.
"დღეს საქართველოს გამოცდილი, პროფესიონალი ადამიანი სჭირდება, რომელიც ქვეყნის უკუსვლის ტემპს შეაჩერებს. მიუხედავად იმისა, რომ პრეზიდენტის უფლებები შეზღუდულია, მისი პოზიციები ქვეყნის სწორად მართვის კუთხით მაინც მნიშვნელოვანია, ამიტომ ჩვენ გვექნება ძალიან სერიოზული წინასაარჩევნო კამპანია ჩვენი კანდიდატის გასამარჯვებლად და ვფიქრობ, რომ ჩვენი კანდიდატი "ქართული ოცნების" ნებისმიერ კანდიდატზე უკეთესი იქნება", - განაცხადა ვაშაძემ და აღნიშნა, რომ პრაიმერის ჩატარების ზუსტი თარიღი თვის ბოლოს დაზუსტდება.
შეგახსენებთ, რომ ,,ნაციონალურმა მოძრაობამ" საპრეზიდენტო კანდიატი პრაიმერის წესით უნდა გამოავლინოს.
მასალის გამოყენების პირობები
