საქართველოს პრეზიდენტი სააღდგომო ლიტურგიას ოჯახთან ერთად გრემის ტაძარში დაესწრო. მიხეილ საააკშვილმა შეკრებილ მრევლს სიტყვით მიმართა და აღდგომის ბრწყინვალე დღესასწაული მიულოცა.
" მინდა მოგილოცოთ ეს ბრწყინვალე დღესასწაული. მეუფე სერგის, რომელიც ჩემი დიდი ხნის მეგობარია მინდა მივულოცო და ვუსურვო გამოჯანმრთელება... მე ძალიან ბედნიერი ვარ რომ ეს ტაძარი ყველამ ერთად აღვადგინეთ., ამ ცოტა ხნის წინ. ისევე როგორც საქართველოს დავუბრუნეთ უმშვენიერესი ნეკრესის მონასტერი, რომელიც არის მსოლფიო ქრისტიანობის საგანძურის გვრიგვინი ამ ტაძართან ერთად. ისევე როგორც ბევრი კახური ტაძარი, ალავერდი, რომელიც თითქმის მთლიანად დავამთავრეთ. ასეცე ჩვენი ძველი ტაძრები, რომელიც არის კახეთში უამრავი. და ახალი ტაძღებიც. არასოდეს, არც ერთ ცალკე აღებულ პერიოდში საქართველოს ეკლესია არ გაძლიერებულა ისე და არ აშენებულა იმდენი ტაძარი რამდენიც ბოლო წლების განმავლობაში. თქვენთან ერთად მე ამით ძალიან ვამაყობ. დღევანდელი დღესასწაული ეს არის თავისუფლების დღესასწაული. აქ არიან ახალგაზრდები, რომელთაც არ ახსოვთ რა არის საბჭოთა კვშირის, რა საშინელება იყო., მაგრამ ჩემი ასაკის და უფრო უფროსი ასაკისებს ახსოვთ. რატო იყო თავისუფლების გამოხატულება აღდგომა. მთელი წელი ვემზადებოდით ამ დღისთვის, რომ შეგვეღება კვერცხები და მთელი წელი საბჭოთა მთავრობა ემზადებოდა იმისთვის, რომ ჩვენ ეკლესიაში არ წავსულიყავით. ხან რას იგონებდნენ და ხან რას. ხან გვიანობამდე უშვებდნენ მაგარ ფილმებს, ხან ფეხბურთის მაგარ მატჩებს, გვაშინებდნენ წითელსამკლაურიანი კომკავშირლები, რომ არ მივსულიყავით. კომუნისტები დადიოდნენ ეკლესიებში და იქიდან გამოვყავდით... და ეს იყო ჩვენი თავისუფლების გამოხატვა, რომ ჩვენი რწმენა, მიუხედავად ყველაფრისა, დაგვეცვა, გამოგვეხატა და ეკლესიაში წავსულიყავით, სანთელი აგვეთო და პირჯვარი გადაგვეწერა. გვეთქვა ეს მაგიური სიტყვები, რომელიც უკავშირდება აღდგომის დღესასწაულს - აღდგომა ეს არის სინათლის გამარჯვება სიბნელეზე, და ვისაც საქართველოს ოდეა ახლა მკვდარი ჰგონია, მალე მიხვდება, რომ ეს ასე არ არის. საქართველო აუცილებლად კიდევ ერთხელ წამოდგება ფეხზე. ჩვენ აუცილებლად კიდევ ერთხელ გავიმართებით წელში. ჩვენ ვერსაოდეს მოგვერევა მტერი, იმიტომ, რომ ჩვენ ვსაზრდოობთ ამ თავისუფლების იდეით - ჩვენი რწმენით. მინდა ყველა ჩემ მეზობელს, იმიტომ, რომ ჩემი სახლიც აქვეა გვერდზე, ჩემი ოჯახის სახელით მოგილოცოთ ეს ბრწყინვალე დღესასწაული - ქრისტე აღსდგა! მინდა გისურვოთ ოჯახური და პირადი ბედნიერება. მიგულეთ თქვენს გვერდით", - განაცხადა პრეზიდენტმა.
