ქვეყნის პრემიერ-მინისტრი ქართველ სამხედროებს შეიარაღებული ძალების დღეს ულოცავს.
"მინდა მივულოცო ჩვენს სამხედრო მოსამსახურეებს ეს დღე. მათ უდიდესი, ურთულესი და ყველაზე საპატიო მისია აკისრიათ - ისინი ერთგულად ემსახურებიან სამშობლოს, იცავენ ჩვენს მიწა-წყალს, ჩვენს ხალხს და საქართველოს სახელმწიფოს უსაფრთხოების სადარაჯოზე დგანან.
ჩვენ ვამაყობთ იმ გმირული სულისკვეთებით, რომელიც ჯარში სუფევს. ჯარისკაცები ჩვენი ხალხის, ჩვენი საზოგადოების გამორჩეული წარმომადგენლები არიან. დღეს ჩვენი სამხედროებისთვის ისევე საამაყოა ჯარისკაცობა, როგორც ჩვენი წინაპრებისთვის იყო, ისინი ისევე მზად არიან დაიცვან ქართული სახელმწიფო და სიცოცხლეც არ დაიშურონ მისთვის.
ჩვენ ვამაყობთ, რომ ჩვენი სამხედრო ქვედანაყოფები მონაწილეობენ საერთაშორისო მისიებში. ისინი იძენენ პრაქტიკულ გამოცდილებას, თანამშრომლობენ ნატოსა და სხვა პარტნიორი ქვეყნების ჯარებთან და ამით ისევ და ისევ ჩვენი სახელმწიფოს ინტერესებს იცავენ.
მშვიდობასა და წარმატებებს ვუსურვებ თითოეულ ჩვენს ჯარისკაცს - რიგითებს, სერჟანტებს, ოფიცრებს. ვუსურვებ მათ ემსახუროთ გამთლიანებული, ძლიერი და დემოკრატიული საქართველოს შეიარაღებულ ძალებში და მტკიცედ მწამს, რომ ყოველთვის ღირსეულად ატარებენ ქართველი სამხედრო მოსამსახურის საპატიო სახელს"- აცხადებს პრემიერ-მინისტრი ბიძინა ივანიშვილი.
მასალის გამოყენების პირობები
