დავით დარახველიძემ ევროკავშირის წარმომადგენელთან სამუშაო შეხვედრა გამართა. შეხვედრაზე დევნილ მოსახლეობის საჭიროებებთან დაკავშირებული საკითხები განიხილეს. მათ შორის - მიმდინარე მშენებლობები, დევნილი მოსახლეობის ხელახალი რეგისტრაცია, „დევნილთა პროგრამა III" -ს შედეგები და სამომავლო გეგმები.
„დევნილთა პროგრამა III", რომელიც დევნილი მოსახლეობისთვის ბინათმშენებლობასა და ინფრასტუქტურულ პროექტებს მოიცავდა, 2013 წლის ივლისში სრულდება. შემდეგ კი გაგრძელდება ,,დევნილთა პროგრამა IV'', რომელიც ძირითადად ორიენტირებულია შემოსავლის წყაროებსა და დევნილთა ეკონომიკური მდგომარეობის გაუმჯობესებაზე.
„დევნილთა პროგრამა III"-ის ფარგლებში მიმდინარე პროექტია ფოთში დევნილი მოსახლეობისთვის 7 კორპუსის მშენებლობა, რომელიც მიმდინარე წლის ზაფხულში დასრულდება.
როგორც ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ აღნიშნა, ფოთში 7 კორპუსის მშენებლობა გეგმის მიხედვით მიმდინარეობსა: „ევროკავშირის წარმომადგენელთან საკმაოდ მნიშვნელოვანი სამუშაო შეხვედრა გვქონდა. ფოთში მშენებარე 7 კორპუსის ვადებთან დაკავშირებით კონტრაქტორ კომპანიას გარკვეული პრობლემები ჰქონდა, თუმცა, აღნიშნული საკითხი გვარდება. ამასთანავე, ვისაუბრეთ დევნილი მოსახლეობისთვის შემოსავლების მომტან წყაროებზე, საჯარო სამართლის იურიდიული პირის შექმნაზე, რომელმაც დევნილებისთვის მცირე ბიზნესის შექმნა-განვითარებაზე უნდა იმუშაოს. ასევე, ვისაუბრეთ დევნილთა ხელახალი რეგისტრაციის საკითხზე, რომლის ტექნიკურ დახმარების ევროკავშირი გვპირდება. ბიუჯეტის შექმნაში მათი ექსპერტიც ჩაერთვება. საკითხი ძალიან მნიშვნელოვანია, რომელიც მიმდინარე წლის ზაფხულში დაიწყება."
შეგახსენებთ, რომ ევროკავშირი ოკუპირებული ტირიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ერთ-ერთ მსხვილი პარტნიორია. მხარეები მომავალ თანამშრომლობაზეც შეთანხმდნენ.