სროლის შედეგად 47 წლის მამაკაცი რამაზ ალოიანი დაიჭრა. შემთხვევა ვაჟა-ფშაველას #20-ში, დაახლოებით ღამის 22:00 საათზე მოხდა. ადგილობრივების განცხადებით, დაჭრილი მათი მეზობელი არ არის და ის მეზობელ ოჯახში მიცვალებულისთვის ბალზამის გასაკეთებლად მიდიოდა.
ინციდენტი სადარბაზოს ლიფტთან მოხდა, თუმცა ეჭვმიტანილებმა მისთვის თანხის წართმევა ვერ შეძლეს. დაჭრილს ჭრილობა წვივის არეში აქვს მიყენებული.
ამ დროისთვის დაშავებული სამედიცინო დაწესებულებაშია მოთავსებული და მის სიცოცხლეს საფრთხე არ ემუქრება.
მომხდართან დაკავშირებით მიმდინარეობს გამოძიება.
