თბილისის მერია ქალაქში თბომომარაგების ახალი, საპილოტე პროექტის განხორციელებას იწყებს. პროექტი მიზნად ისახავს ქალაქში კომპაქტურად მცხოვრები მოქალაქეების სითბური ენერგიითადა ცხელი წყლით უზრუნველყოფას, ბუნებრივი აირისა და ელექტროენერგიის ეკონომიური მოხმარებას, ეკოლოგიური გარემოს შენარჩუნებასა და კომუნალური ხარჯების შემცირებას.
პირველ ეტაპზე პროექტი თემქაზე მდებარე ერთ-ერთ კორპუსში მთლიანად თბილისის მერიის დაფინანსებით განხორციელდება. მოსახლეობის თბომომარაგების უზრუნველყოფის მიზნით, წინასწარ შერჩეულ ადგილას მოხდება თანამედროვე, ეკოლოგიურად სუფთა და ეკონომიური ქვაბების, აგრეთვე დაცული და იზოლირებული გაყვანილობების,დათბუნებისა და ჰელიოსისტემის მონტაჟი. სამუშაოები ასევე ცხელი წყლისა და გათბობის საერთო სისტემის ორგანიზებას ითვალისწინებს, რაც უფრო ეკონომიური და ეფექტურია. მოხმარებული ცხელი წყლისა და სითბური ენერგიის აღსარიცხად შეიქმნება ინდივიდუალური სისტემა, რაც მინიმუმამდე შეამცირებს მოსალოდნელ გაუგებრობებს.
საცხოვრებელი კორპუსების შერჩევა მოხდება ბუნებრივი გაზის შესყიდვის პუნქტების მიხედვით. სისტემის ექსპლუატაციაში შეყვანის შემდეგ, ცხელიწყლისა და გათბობის დისტრიბუციას მომსახურე კომპანია განახორციელებს.
პროექტის განხორციელებით იმპორტირებული პროდუქტის მოხმარება შემცირდება, ნაკლები იქნება კომუნალურ მომსახურებაზე გაწეული ხარჯი, მოსახლეობა მიიღებს გათბობისა დაცხელი წყლის მიწოდების უკეთეს ხარისხს, გამოირიცხება ბუნებრივი გაზის არასრული წვისშედეგად გამოწვეული უბედური შემთხვევები, შენარჩუნდება კორპუსის ფასადი და შიქმნება ახალი სამუშაო ადგილები.
მოსახლეობის მხრიდან დაინტერესების შემთხვევაში, პროექტი ქალაქის მასშტაბით განხორციელდება და ამხანაგობებს შესაძლებლობა ექნებათ თბომომარაგების ახალი სისტემა მერიის თანადაფინანსებით დაამონტაჟონ.
აღნიშნული პროექტის პრეზენტაციას დღეს თბილისის მერი გიგი უგულავა დაესწრო.
