,,საერთო სასამართლოების შესახებ" კანონი ვენეციის კომისიის რეკომენდაციებს არ ეწინააღმდეგება", -განაცხადა ჟურნალისტებთან შეხვედრისას ევროკომისარმა თომას ჰამარბერგმა ,,საერთო სასამართლოების" შესახებ კანონპროექტის კომენტირებისას და აღნიშნა, რომ სახეზეა პროგრესი.
,,არაერთი შეხვედრა მქონდა თეა წულუკიანთან კოტე კუბლაშვილთან და მინდა აღვნიშნო, რომ სახეზეა აშკარა პროგრესი. მთავრობამ დაადასტურა, რომ მართლმსაჯულების განხორციელებაში პოლიტიკური ჩარევა არ მოხდება. რაც შეეხება კანონს ,,საერთო სასამართლოების შესახებ" ის საგრძნობლად გაუმჯობესებულია. ის მოსამართლეთა კორპუსს მეტ ძალაუფლებას მიანიჭებს. ეს კანონი ვენეციის კომისიის რეკომენდაციებს არ ეწინააღმდეგება", _ განაცხადა თომას ჰამარბერგმა.
შეგახსენებთ, რომ ევროკავშირის სპეციალური წარმომადგენელი სამართლებრივ, კონსტიტუციურ საკითხებსა და ადამიანის უფლებებში თომას ჰამერბერგი, ყოველთვიურად, ორკვირიანი ვიზიტით, ოთხი თვის განმავლობაში ეწვევა საქართველოს. ჰამერბერგის განცხადებით, მას საქართველოში მიმდინარე პროცესები შესწავლა ევროკავშირის ორი კომისიის ხელმძღვანელმა კეტრინ ეშტონმა და შტეფან ფულემ სთხოვეს.
"დავთანხმდი, მაგრამ კონკრეტული პირობები წამოვაყენე. ერთი იყო ის, რომ მისია ხანგრძლივი არ უნდა ყოფილიყო და ჩვენ ოთხ თვეზე შევთანხმდით. მეორე პირობა ჩემს როლს ეხებოდა. მე ჩამოვდივარ მიუკერძოებელი ექსპერტის სახელით. ეს მისაღები უნდა იყოს ხელისუფლებისთვის, ოპოზიციისთვს და სამოქალაქო საზოგადოებისთვისაც", - აღნიშნა ჰამერბერგმა და აღნიშნა, "ჩემი ვალდებულება იქნება, ვუპასუხო კითხვებს კონკრეტული გადაწყვეტილების მიღებამდე, ადამიანისუფლებების დაცვის კონტექსტში".
ადამიანის უფლებების დაცვის გარდა, ჰამერბერგი შეისწავლის სასამართლო რეფორმასთან დაკავშირებულ, მუნიციპალიტეტებში მიმდინარე პროცესებს, სოციალურ საკითხებს, და მოამზადებს ანგარიშს, რომელიც, დაახლოებით, სექტემბერში გამოქვეყნდება.
"ბევრმა ვერ დაინახა განსხვავება საპარლამენტო ცვლილებასა და ადგილობრივი ხელისუფლების ცვლილებას შორის. მთავრობისგან მივიღე დაპირება, რომ უზრუნველყოფს საზოგადოების ინფორმირებას ამ განსხვავებებზე", - განაცხადა ჰამერბერგმა.
